Kreu i Partisë Demokratike, Sali Berisha thvilloi një takim me të rinjtë ku dhe prezantoi programin për ta.
Berisha në fjalën e tij e cilësoi kryeministrin Rama si meme të gjallë dhe që ecën. Ai u shpreh se nuk ka patur rinia shqiptare një armik më të egër dhe më të pabesë se Edi Rama.
“Çdo i ri dhe e re këto 39 ditë t’i shndërroj në ditën e betejës të madhe për ëndrrat e tyre, se përballë tyre qëndron një shpresëvrasës, një arrogant, qëndron, po e quaj tani, një meme e gjallë, meqenëse e tmerruat ju me meme dhe e mbyllin TikTok-un, ta quajmë një meme të gjallë, një meme që ecën.
Nuk ka patur rinia shqiptare një armik më të egër dhe më të pabesë se Edi Rama ndonjëherë. Nëse analizoni këto 12 vite, çmimin më të shtrenjtë e paguan të rinjtë shqiptarë, fëmijët e shqiptarëve.”, tha Berisha.
