Arrestohet nëna e autorit të vrasjes së studentes shqiptare Ilaria Sula në Itali. Ajo është arrestuar për bashkëpunim në fshehjen e trupit.
Pas 3 orësh pyetje në komisariat ajo pranoi se kishte ndihmuar djalin e saj 23-vjeçar që të pastronte shtëpinë dhe të fshinte gjurmët e gjithë atij gjaku.
Nëna e Mark Antony Samson ka rrëfyer se kishte luajtur një rol aktiv pas krimit pasi ajo ndodhej në shtëpi kur djali i saj e qëlloi 3 herë me thikë shqiptaren me të cilën kishte pasur një lidhje të shkurtër romantike.
Nën hetim ndodhet edhe babai i djalit, i cili nuk ka qenë në shtëpi në momentin kur ndodhi krimi.
