Kreu i SPAK-ut, Altin Dumani tha sot se marrja në pyetje e dëshmitarëve do të bëhet me audio dhe video në godinën e re të Byrosë Kombëtare të Hetimit pas kritikave të kryeministrit Edi Rama.
“Kemi hetues të BKH-së shumë të mirë, që lehtësojnë punën e prokurorit, por ka edhe nga ata që nuk përmbushin pritshmëritë. Punohet shumë me ta, ka pasur mbështetje nga BE dhe projekte të tjera për rritjen e kapaciteteve të tyre.
Në godinën e re janë planifikuar dhoma të veçanta për marrjen në pyetje të dëshmitarëve dhe të pandehurve, të pajisura me audio dhe video, elementë thelbësorë për garantimin e një procesi hetimor të standardizuar dhe transparent,” tha ai.
