Prokuroria e Posaçme ka dhënë pretencën për ish-kryeprokurorin e Vlorës, Aurel Zarkën për dosjen Toyota Yaris. Prokuroria kërkon 4 vite burg, 3 në aplikim të gjykimit të shkurtuar. Në datë 5 maj ora 09.00 do të bëhet mbrojtja më pas shpallja e vendimit.
Nga hetimet ka rezultuar se Aurel Zarka ka qenë një nga përdoruesit e Sky Ecc, që mundësonte komunikime të fshehta. Ai akuzohet se ka kërkuar vlera monetare për favorizimin e një tjetër çështje, në bashkëpunim me Radovan Çelën.
