Ka nisur zyrtarisht procesi i riatdhesimit të emigrantëve nga kampi i Gjadrit në Shqipëri, drejt vendeve të origjinës.
Ministri i Brendshëm italian, Matteo Piantedosi shkruan në X se “Riatdhesimi i parë nga Shqipëria i një shtetasi të huaj në Qendrën e Riatdhesimit Gjadër”.
Ai shton se “operacionet e riatdhesimit të emigrantëve të parregullt do të vazhdojnë edhe në ditët në vijim, siç parashikohet nga strategjia e qeverisë për një veprim më efektiv për të luftuar imigracionin e paligjshëm”.
Sipas medias italiane “ANSA”, shtetasi i riatdhesuar është një 42-vjeçar nga Bangladeshi i ardhur në Itali në vitin 2009 dhe është dëbuar për shkak të rrezikut social. Ai ka disa dënime të mëparshme, duke përfshirë një episod të rëndë të dhunës në familje.
