Një aksident ka ndodhur mesditën e sotme rreth orës 12:20, në aksin rrugor Prrenjas-Qafë Thanë, ku ka qenë i përfshirë autobusi që transportonte ekipin e femrave të volejbollit të Skëndërbeut të Korçës.
Paraprakisht mësohet se, autobusi ka humbur kontrollin dhe ka dalë nga rruga.
Në aksident janë përfshirë edhe automjete të tjera.
Për pasojë 2 vajza të ekipit kanë mbetur të lënduara dhe janë transportuar me urgjencë në spital për ndihmë mjekësore.
Policia po heton për zbardhjen e ngjarjes.
