Ditën e sotme një sherr ka ndodhur në ambientet e zyrës së PSD në zonën e Ali Demit në Tiranë. Policia ka shpallur në kërkim Arjan Telhallari dhe djalin e tij Lorenc Telhallari. Ata kanë shkuar në zyrat e PSD dhe janë konfliktuar me disa persona që ishin të pranishëm atje.
Arjani ka shkuar që të ndihmojë djalin e tij dhe mbante të veshur një kapele, bluzë të bardhë, ndërsa në duar kishte një automatik “Skorpions” të zi.
Ai nuk ka mundur që të bëjë qitje, pasi në përpjekje për të vepruar i kanë rënë plumbat në tokë. Policia në vendngjarje gjeti të fshehur dy fishekë dhe ndërkohë është në kërkim të Arjanit dhe djalit të tij.
