Kreu i Partisë së Lirisë, Ilir Meta ka reaguar nga qelia me anë të një postimi në rrjetin e tij social. Meta e ka cilësuar rikthimin e Partisë Demokratike në PPE si një moment të jashtëzakonshëm.
Ai thotë që vetëm rotacioni shpëton legjitimitetin e standardeve të dhunuara të zgjedhjeve dhe përshpejton integrimin europian të Shqipërisë.
“I jashtëzakonshëm rikthimi i Partisë Demokratike në PPE. Ngjarje madhore për Aleancën për Shqipërinë Madhështore. Vetëm 11 ditë përpara fitores historike më 11 Maj.
Rezoluta damkosëse për regjimin sorosist dhe autokratik të Edi Ramës, kushtrim për pjesëmarrjen masive të shqiptarëve më 11 Maj.
Vetëm rotacioni shpëton legjitimitetin e standardeve të dhunuara të zgjedhjeve dhe përshpejton integrimin europian të Shqipërisë.”, shkruan Meta.
