Gjatë muajit prill, Policia e Qarkut Fier ka zhvilluar një punë intensive dhe të pandërprerë për garantimin e rendit dhe sigurisë publike, parandalimin dhe goditjen e veprimtarive kriminale. Me prezencë 24/7 në terren, kontrolle të shtuara në gjithë territorin, hetime proaktive të bazuara në inteligjencë policore dhe bashkëpunim me qytetarët e partnerët, janë arritur rezultate konkrete dhe domethënëse.
65 operacione policore të finalizuara, ndër to:
16 operacione në bashkëpunim me partnerët për kapjen dhe ekstradimin e shtetasve në kërkim ndërkombëtar.
617 persona të ndaluar si autorë të dyshuar të veprave penale.
Sekuestro të realizuara:
Armë e municione: 22 armë zjarri, 5 armë gjahu, 4 armë sportive, mjete si të Policisë dhe një sasi e konsiderueshme municioni.
Lëndë narkotike:
80.2 kg kanabis (13.9 kg me përqindje të lartë THC), qindra doza, mijëra bimë dhe fidanë;
Sasi dhe doza kokaine.
Pasuri të dyshuara kriminale:
300,000 euro të dyshuara si të përfituara nga krimi ose të padeklaruara në kufi;
1,400 gramë flori, bizhuteri floriri dhe mallra të kontrabanduara;
Dhjetëra pajisje kompjuterike dhe celularë të përdorur për call center ilegalë dhe lojëra fati.
Goditje ndaj grupeve kriminale:
3 grupe kriminale të shpërbëra:
2 për prodhim dhe shpërndarje të lëndëve narkotike;
1 për vjedhje me thyerje në banesa dhe subjekte.
Ngjarje të parandalura dhe të zbardhura:
7 ngjarje kriminale të parandalura, përfshirë:
3 me armë zjarri;
2 me mjete prerëse;
2 me sende të forta.
10 ngjarje kriminale të zbardhura, duke përfshirë vjedhje, djegie automjetesh dhe konflikte mes shtetasve.
25 operacione për zbardhjen e vjedhjeve, përfshirë edhe ato me dhunë apo me thyerje.
Lufta kundër krimeve të ndryshme:
4 operacione kundër krimeve ekonomiko-financiare;
3 operacione kundër krimeve kibernetike;
120 raste krimesh mjedisore dhe 85 raste dhunë në familje, të trajtuara në bashkëpunim me institucionet përkatëse;
10 raste organizimi të paligjshëm të lojërave të fatit;
5 raste në fushën e prostitucionit;
2 raste të ndihmës për kalim të paligjshëm të kufirit.
Asistencë dhe ndërhyrje:
Ndihmë për 13 turistë në vështirësi në shpellën e Pëllumbasit dhe në kanionin e Nivicës.
Siguria rrugore:
224 drejtues mjetesh të ndaluar:
126 për drejtim në gjendje të dehur;
98 pa leje drejtimi.
218 leje drejtimi të pezulluara, për tejkalim të shpejtësisë dhe shkelje të tjera të rënda të Kodit Rrugor.
Policia Kufitare:
49 raste të kalimit të paligjshëm të kufijve dhe të ndihmës për këtë veprimtari;
8 raste të tentativës për kalim me dokumente false;
6 raste të trafikimit të mjeteve motorike;
6 raste të kontrabandës së mallrave;
5 raste të mosdeklarimit të të hollave ose sendeve me vlerë.
