Kryeministri Edi Rama shprehet se ditët e fundit ka patur një lëvizje domethënëse të emigrantëve që kanë dërguar votën me postë. Sipas tij pjesëmarrja e tyre në votime rezulton mjaft e lartë.
“Ka pasur një lëvizje domethënëse në ditët e fundit nga ana e atyre që kishin mbetur ende pa dërguar zarfat. Numrat janë shumë inkurajues, të shohin si do mbyllen, por pa diskutim që trendi qysh në krye të herës na tregoi që kishim një pjesëmarrje shumë të lartë nga ana e shqiptarëve jashtë kufijve.
Unë jam jashtëzakonisht i lumtur që ata e shfrytëzuan këtë mundësi për votën e parë në histori të shqiptarëve jashtë por edhe të sfidës së Shqipërisë në historinë e 11 Majit”, tha Rama.
