Kreu i Komisionit Qendror të Zgjedhjeve, Ilirjan Celibashi, ka ushtruar të drejtën e tij për të votuar këtë të diel, ndërsa u bëri thirrje qytetarëve që ende nuk kanë votuar të marrin pjesë në zgjedhje.
Në një prononcim për mediat, Celibashi theksoi rëndësinë e respektimit të ligjit gjatë procesit zgjedhor dhe paralajmëroi se çdo shkelje do të përballet me pasojat përkatëse nga institucionet përgjegjëse.
“Mesazhi është i qartë për ata që ende nuk kanë votuar. Ata që janë në idenë që angazhimi i tyre mund të kontribuojë tej votës në proces, do të marrin përgjigje nga institucionet përkatëse. Shumë e rëndësishme që jo vetëm politikanë por edhe qytetarët të kuptojnë që kanë përgjegjësi në lidhje me procesin zgjedhor,” u shpreh Celibashi.
