Kryeministri Edi Rama gjatë konfrencës për shtyp me presidentin e Këshillit Evropian, Antonio Costa u shpreh i vendosur për anëtarësimin në Bashkimin Evropian. Rama e cilësoi këtë si ‘histori dashurie’ dhe tha se nuk duhet që të dorëzohet dhe të humbet besimi.
“Unë nuk e kam humbur asnjëherë besimin, por kam thënë që kjo është një histori dashurie, ku deri kur ana tjetër do ta ndjeje për ty ti nuk duhet të dorëzohesh dhe duhet të jesh gati kur ana tjetër do hapë dritaren pasi ti rri këndon poshtë dritares, me vite të tëra dhe bën serenata.
Tani dritarja është hapur, çarçafi është hedhur poshtë, ne të dashuruarit duhet të ngjitemi, duke pasur parasysh që dritarja mund të mbyllet nëse nuk ngjitemi”, tha Rama.
