Pas vizitës zyrtare në Tiranë, presidenti i Francës, Emmanuel Macron, ka reaguar përmes një postimi në platformën X, ku ka falënderuar kryeministrin Edi Rama dhe qytetarët shqiptarë për mikpritjen.
Në mesazhin e tij, Macron theksoi se miqësia mes Francës dhe Shqipërisë po forcohet përmes bashkëpunimit konkret, duke rikonfirmuar mbështetjen e Francës për integrimin evropian të Shqipërisë.
“I dashur Edi Rama, të dashur shqiptarë, ju faleminderit për mikpritjen në Tiranë dhe për shkëmbimet tona. Miqësia midis Shqipërisë dhe Francës po forcohet përmes arritjeve konkrete. Vendi juaj e ka vendin e vet në Bashkimin Evropian. Franca ju mbështet në këtë rrugë”, shkruan Macron.
