Agjencia e Mbikëqyrjes Policore (Rajoni Shkodër – Lezhë) ka ekzekutuar urdhrat e ndalimit për tre punonjës policie dhe një doganier. Ata janë të dyshuar për kryerjen e veprës penale “Shpërdorim i detyrës”.
Ata janë: Lekë Çekrezi, punonjës policie në Pikën Kufitare “Hani i Hotit”.
Fatjon Hamzi, punonjës policie në Pikën Kufitare “Hani i Hotit”.
Tonin Melaj, punonjës policie në Pikën Kufitare “Hani i Hotit”.
Selami Ethemi me detyrë Doganier në Pikën Kufitare “Hani i Hotit”.
Me 17 shtator të vitit 2023 një kamion me targa shqiptare, pasi ka kryer procedurat e daljes nga Republika e Shqipërisë nëpërmjet Pikës Kufitare “Hani i Hotit”, në kundërshtim me ligjin dhe procedurat standarde, është ndaluar nga policia e Pikës së Kalimit Kufitar “Bozaj”, Mali i Zi.
Gjatë kontrollit në kamion është gjetur një sasi prej 442.084 kg lëndë narkotike e dyshuar “Canabis Sativa”.
