Ukraina do të kërkojë nga Bashkimi Europian masa të reja kundër Rusisë, duke përfshirë konfiskimin e aseteve ruse dhe sanksionimin e disa blerësve të naftës ruse. Kjo kërkesë do t’i paraqitet 27 shteteve anëtare të BE-së javën e ardhshme, përmes një letre 40 faqesh.
Kievin kërkon që BE të miratojë një ligj që do të mundësojë konfiskimin e aseteve të individëve të sanksionuar dhe t’ia dërgojë ato Ukrainës. Gjithashtu, Ukraina do të kërkojë që BE të vendosë sanksione ndaj kompanive që ndihmojnë Rusinë dhe të imponojë sanksione të tjera ndaj blerësve të naftës ruse, si India dhe Kina, një hap që Europa ka hezituar ta marrë deri tani.
Ndërkohë, presidenti amerikan Donald Trump ka hezituar të shtojë sanksionet ndaj Rusisë pas një bisede me presidentin Putin, duke preferuar të lërë hapësirë për diplomaci. Ukraina është e shqetësuar se kjo mund të ndikojë negativisht në mbështetjen e BE-së, duke u shkaktuar pasiguri në aleancën kundër Rusisë.
