Partia Demokratike denoncoi sot një rast që sipas tyre tregon qartë manipulimin e votave në zgjedhjet e 11 Majit. Më pas Sali Berisha u ndal tek operacioni i anti-mafies italiane bashkë me SPAK-un që u finalizua dje. Ish-kryeministri Berisha tha se Ervis Doçi, i njohur si “Visi i Pojës” u njoftua nga SPAK-u që të arratisej.
“Dumani mashtroi si ordiner mafien italiane për qëllime elektorale. Dhe Poja çau ferrën, kush e njoftoi Ervis Doçin dhe të tjerë? Këtu bashkë me krimin janë një. Edhe ato shishet 36 mijë euro me kë i pinte dhe i hapte Rama? Këtu bota e krimit ka kreun e organizatës kriminale që është Edi Rama.
Ne kemi të dhëna të sigurta, që janë përdorur kuti të sigurta posaçërisht nga Lubi Balluku por jo vetëm ose pastaj treni bullgar që prodhon të njëjtin efekt, sepse edhe në trenin bullgar ai që të jep fletën e palos dhe të thotë shko hidhe në kuti kështu. Këtu duhet ekspertizë për të dalluar nëse ishte treni bullgar apo kutia e Lubi Ballukut” tha Berisha.
