Presidenti ukrainas, Volodymyr Zelensky ka zhvilluar një bisedë telefonike me kryeministrin Edi Rama. Me anë të një postimi në platformën X, Zelensky tha se kanë patur një biesedë të mirë.
Ai thotë se ka folur në lidhje me sulmet e fundit rse me raketa dhe dronë, si dhe kanë diskutuar për partnerët evropianë dhe unitetin.
“E informova për sulmet e fundit ruse me raketa dhe dronë. Këto sulme tregojnë edhe një herë se Rusia nuk ka ndërmend t’i japë fund luftës. Kjo është arsyeja pse na duhet një presion mjaft i fortë për ta ndaluar më në fund. Ne mbështetemi në të gjitha hapat e nevojshëm në këtë drejtim që do të ndërmerren në të ardhmen e afërt. Gjithashtu diskutuam bashkëpunimin tonë me partnerët evropianë dhe unitetin tonë”, shkruan Zelensky.
Ai shtoi se “E ftova Kryeministrin të marrë pjesë në Samitin Ukrainë-Evropë Juglindore, dhe Shqipëria do të përfaqësohet. Faleminderit, Shqipëri, për mbështetjen e Ukrainës dhe popullit tonë.”
