Kandidati i Partisë Demokratike, Aulon Kalaja ka deklaruar se dy deputetë të Partisë Socialiste të qarkut të Durrësit nuk do të betohen në shtator. Kalaja tha se krimi dhe bandat kishin vendosur për emrat për deputetë.
“Në 2021 gjysma e listës e Durrësit ra në burg. Ranë zgjedhjet në qarkun e Durrësit, zgjedhje nuk kishte. Nga Jurgis Çyrbja e të tjerë që krimi e bandat i kishin vendosur emrat për deputetë. E njëjta histori është edhe këtë herë po ju them nga kjo studio që do të kemi dy deputetë që nuk do të jenë në listën e Durrësit nga këta që kanë fituar tani”, tha Kalaja në A2 CNN.
Ai u shpreh se kjo ka ardhur si pasojë e goditjeve kriminale të cilat kanë patronazhuar kandidatët dhe jo vetëm në Durrës por edhe në qarqe të tjera.
