Me 2 qeshor, të hënën do të hapet për verifikim kutia e parë e zgjedhjeve të 11 majit. Ditën e sotme Komisioni i Ankesave dhe Sanksioneve vendosi hapjen e kutisë së votimit në një qendër votimi në qarkun e Vlorës.
Ankimimi për këtë qendër votimi ishte bërë nga koalicioni Nisma Shqipëria Bëhet, ku sipas Adriatik Lapajt fletët e votimit nuk kishin vula.
Gjithashtu, Komisioni i Ankimeve dhe Sanksioneve mbylli edhe shqyrtimin paraprak të tre kërkesave ankimore të Partisë Demokratike, për qarqet Berat, Gjirokastër dhe Vlorë, duke vendosur që të marrë si provë në shqyrtimin administrativ të dhënat e votimit nga jashtë.
