Kreu i Partisë Demokratike, Sali Berisha, ka komentuar sot kërkesat për rinumërim të votave të bërë nga katër kandidatët e PD-së në KAS, pas zgjedhjeve të 11 majit në Tiranë dhe Durrës.
Berisha theksoi se në PD nuk pengojnë askënd që kërkon transparencë dhe verifikim të rezultatit të tij. Ai e cilësoi situatën aktuale si një “realitet të pamohueshëm” dhe kritikoi qeverinë për mungesë transparence, duke nënvizuar se PD nuk ndjek “standardet e Edi Ramës”.
“Çdo kandidat që dëshiron rinumërim apo verifikim ka mbështetjen e plotë të partisë, sepse ligji kërkon transparencë. Nuk jemi si ata që ndalojnë çdo kontroll,” tha Berisha, duke shtuar se nëse ka raste të pandërgjegjshme, do të merren masa ligjore.
