Rusia ka publikuar tekstin e plotë të memorandumit të armëpushimit që i paraqiti dje Ukrainës.
Moska ka ofruar dy mundësi për armëpushimin, e para është tërheqja e forcave të armatosura ukrainase nga territoret ruse të pushtuara nga Ukraina në rajonet e Luhanskut, Donetskut, Zaporizhias dhe Khersonit
Ndërsa e dyta është ndalimi i ripozicionimit të forcave të armatosura të Ukrainës, ndërprerja e mobilizimit, përjashtimi i pranisë ushtarake të vendeve të treta, ndërprerja e ndihmës së huaj ushtarake për Kievin.
Në pikat kryesore të memorandumit, Rusia po kërkon:
– njohjen ligjore ndërkombëtare të bashkimit të Krimesë, Luhanskut, Donetskut, Zaporizhias dhe Khersonit me Rusinë
– një deklaratë të neutralitetit të Ukrainës dhe refuzimin e saj për t’u bashkuar me aleanca ushtarake
– ndalimin e aktiviteteve ushtarake të shteteve të tjera në Ukrainë
– sigurimin e karakterit jo-bërthamor të Ukrainës
– përcaktimin e numrit maksimal të Forcave të Armatosura të Ukrainës
– heqjen e sanksioneve ekonomike të vendosura ndaj Rusisë
– sigurimin e të drejtave dhe lirive të popullsisë rusishtfolëse
– heqjen e kufizimeve mbi aktivitetet e Kishës Ortodokse të Ukrainës
– ndalimin e glorifikimit të nazizmit
– rivendosjen graduale të marrëdhënieve diplomatike dhe ekonomike me Ukrainën
– heqjen dorë reciproke nga pretendimet për dëmet e shkaktuara nga operacionet ushtarake
– zgjidhjen e çështjeve që lidhen me ribashkimin e familjeve dhe personave të zhvendosur.
