Kryetarja e Kuvendit, Elisa Spiropali, vizitoi sot selinë e Komunitetit Mysliman Shqiptar dhe atë të Kryegjyshatës Botërore Bektashiane, ku përcolli urimet për festën e Kurban Bajramit.
Gjatë vizitës në Komunitetin Mysliman, Spiropali vuri në dukje rëndësinë e tolerancës, vëllazërisë dhe bashkëjetesës fetare, duke i cilësuar këto vlera si një thesar të shqiptarëve që duhet të jenë pjesë e përditshmërisë së shoqërisë dhe punës së përbashkët për mirëqenien e qytetarëve.
“Ishte një rastësi e bukur që urimet për Kryetarin e Komunitetit Mysliman, Bujar Spahiu, t’i përcillnim së bashku me Fortlumturinë e Tij, Joanin, Kryepeshkop i Tiranës, Durrësit dhe Gjithë Shqipërisë,” tha ajo.
Spiropali përfundoi me urimin: “Gëzuar Kurban Bajramin! Uroj shëndet, mbarësi, lumturi dhe paqe në të gjitha familjet shqiptare.”
