Policia e Shtetit njofton se rruga nga hoteli ku është akomoduar ekipi i Serbisë në bulevardin “Gjergj Fishta” deri në stadiumin “Arena Kombëtare” përmes bulevardit “Bajram Curri” do të ketë bllokime të pjesshme në dy periudha:
Sot, në orën 16:30, gjatë eskortës për stërvitjen e ekipit
Nesër, në orën 18:45, gjatë eskortës për ndeshjen Shqipëri–Serbi
Kufizimet do të zgjasin deri në 25 minuta në secilin prej kalimeve.
Policia apelon tek qytetarët për mirëkuptim dhe respektim të udhëzimeve të forcave të rendit në terren, në mënyrë që aktiviteti të zhvillohet në mënyrë të sigurt dhe pa incidente.
Çdo shkelje e rendit dhe sigurisë do të trajtohet me tolerancë zero, në përputhje me ligjin.
