Kombëtarja shqiptare pret mbrëmjen e nesërme Serbinë në “Arenën Kombëtare”, në një sfidë të rëndësishme që nis në orën 20:45. Delegacioni serb mbërrin sot në kryeqytet dhe pasdite do të zhvillojë stërvitjen zyrtare në fushën e ndeshjes.
Megjithëse iu sugjerua një akomodim pranë stadiumit, ekipi serb ka zgjedhur një hotel në zonën e Pallatit me Shigjeta. Për çdo lëvizje të tyre do të ketë eskortë policie, ndërsa rreth stadiumit do të vendoset një perimetër sigurie për të garantuar mbarëvajtjen e takimit.
