Sonte në Prishtinë, qytetarët do të kenë mundësinë të ndjekin së bashku përballjen e rëndësishme mes Shqipërisë dhe Serbisë, që luhet për kualifikueset e Botërorit 2026. Në sheshin “Zahir Pajaziti” do të vendoset një ekran i madh, falë organizimit të Komunës së Prishtinës dhe Drejtorisë për Sport, ku do të krijohet një atmosferë festive dhe emocionale.
Drejtori i Sportit, Kushtrim Mushica, i ka ftuar të gjithë që të marrin pjesë me familjet dhe miqtë e tyre, duke sjellë krenarinë dhe flamurin shqiptar në këtë përballje të pritshme. Ai thekson se ky moment nuk është vetëm për tifozët, por për të gjithë ata që ndihen pjesë e zemrës së kombit.
