Rusia ka goditur qytetin e dytë më të madh të Ukrainës, Kharkiv-in duke shkaktuar vdekjen e katër personave dhe plagosjen e gati 60 të tjerëve.
BBC shkruan se në një tjetër sulm rus në Kherson, në jug të Ukrainës, janë raportuar edhe dy viktima të tjera.
Në Kharkiv janë goditur rreth 18 pallate banimi dhe 13 shtëpi të tjera.
Kryetari i Bashkisë së Kharkivit, Ihor Terekhov deklaroi se gjatë natës, mbi qytet janë përdorur 48 dronë, dy raketa dhe katër bomba të drejtuara nga ajri. Ai shtoi se mes të plagosurve janë edhe një foshnjë dhe një vajzë 14-vjeçare.
