Presidenti i Republikës së Shqipërisë, Bajram Begaj, mori pjesë dhe mbajti një fjalë përshëndetëse në Konferencën e Kryetarëve të Gjykatave të Larta të Evropës Qendrore dhe Lindore, zhvilluar në Vlorë. Aktiviteti u organizua nga Gjykata e Lartë e Shqipërisë në bashkëpunim me CEELI Institute dhe mblodhi gjyqtarë dhe përfaqësues nga rajoni dhe SHBA.
Presidenti theksoi rëndësinë e pavarësisë së gjyqësorit, transparencës dhe llogaridhënies si baza të një sistemi drejtësie të besueshëm. Ai vlerësoi institucionet e drejtësisë si SPAK dhe GJKKO për rolin e tyre në forcimin e besimit publik dhe luftën kundër korrupsionit.
“Drejtësia nuk duhet të jetë privilegj, por një e drejtë për të gjithë qytetarët,” – u shpreh Presidenti Begaj, duke theksuar rolin kyç të gjyqësorit në procesin e integrimit evropian të Shqipërisë.
