Autoritetet iraniane kanë dalë me një tjetër reagim duke paralajmëruar se Ngushtica e Hormuzit të vendoset nën “kontroll të rreptë” për shkak të refuzimit të Shteteve të Bashkuara për të hequr bllokadën detare në Gjirin Persik.
Sipas mediave iraniane, kjo do të thotë se një nga korridoret më të rëndësishme të transportit detar në botë “tani është mbyllur përsëri” dhe se çdo kalim përmes tij do të kërkojë miratimin e Iranit.
Ngushtica e Hormuzit konsiderohet një pikë strategjike kyçe për tregtinë globale të energjisë, pasi një pjesë e madhe e eksporteve të naftës kalon përmes saj.
