Me datë 1 qershor në një aksident tragjik në hyrje të qytetit të Vlorës në zonën e “Pusit të mezinit”, humbën jetën dy të rinjtë, Luan Llanaj dhe Tomorr Mbrati. Dy të rinjtë po ktheheshin në shtëpi me motor, teksa po udhëtonin me shpejtësi të lartë, goditën një prej shtyllave të ndriçimit rrugor.
Kështu Luan Llanaj 19 vjeç humbi jetën në vendngjarje, kurse Tomor Mbrati 17 vjeç gjatë rrugës për në spital nuk mundi që ti shpëtojë plagëve të marra.
Në vendin ku ata humbën jetën, miqtë e afërt të tyre, shokë të klasës, nxënës së shkollës “Industriale Pavarësia” kanë realizuar një murale në përkujtim të Llanajt dhe Mbratit.
