Një aksident i rëndë ka ndodhur në qendër të Fier-Sheganit, ku një motoçikletë është përplasur me një automjet tip “Benz”.
Si pasojë e përplasjes, drejtuesi i motoçikletës, një 65-vjeçar nga fshati Toshkëz, ka mbetur i plagosur rëndë dhe është transportuar me urgjencë në spitalin e Lushnjës.
Policia ka mbërritur në vendngjarje dhe po heton për zbardhjen e aksidentit, ndërkohë që dyshohet se automjeti “Benz” i ka prerë rrugën motoçikletës.
I moshuari kishte veshur kaskën mbrojtëse, që dyshohet të ketë zbutur pasojat e goditjes.
