Ditën e dielë një protestë u zhvillua jashtë selisë së shërbimit të imigracionit ICE. Sipas CNN protesta degjeneroi me dhunë dhe u arrestuan rreth 60 persona mes tyre dhe të mitur në San Francisko.
Sipas policisë, në një moment disa protestues kryen vandalizëm dhe sulme. Kryetari i bashkisë së San Franciskos tha se të gjithë kanë të drejtë të flasin hapur dhe nuk do të tolerohet dhuna.
“Të gjithë në këtë vend kanë të drejtë të flasin paqësisht, dhe forcat lokale të rendit do ta mbrojnë gjithmonë këtë të drejtë dhe të drejtat e të gjithëve në qytetin tonë. Por ne kurrë nuk do të tolerojmë sjellje të dhunshme dhe shkatërruese”, shkroi kryetari i bashkisë së San Franciskos, Daniel Lurie, në një postim në X pas ngjarjeve të orëve të fundit.
