Kryetarja e Kuvendit, Elisa Spiropali ka pritur sot kryetarin e Kuvendit Kombëtar Shqiptar në Serbi, Enkel Rexhepi.
Spiropali u shpreh se do të vijojnë angazhimet për mbrojtjen e të drejtave të shqiptarëve në Luginën e Preshevës. Ajo tha se do të vijojë edhe mbështetja e ndërveprimit në fushën e arsimit dhe shërbimeve publike.
“Kuvendi i Shqipërisë, nëpërmjet delegacioneve në Këshillin e Europës dhe organizata të tjera ndërkombëtare, do të vijojë angazhimet për mbrojtjen e të drejtave të patjetërsueshme të shqiptarëve në Luginën e Preshevës dhe mbështetjen e ndërveprimin në fushën e arsimit dhe shërbimeve publike.Prestigji i lartë ndërkombëtar i Shqipërisë, një momentum për mbrojtjen dhe respektimin e të drejtave të shqiptarëve në rajon.”, u shpreh Spiropali.
