Një 21-vjeçar shqiptar ka humbur jetën gjatë një aksidenti rrugor në Itali. Mëngjesin e 4 qershorit, shqiptari Matias Selaj ka pësuar aksident teksa po shkonte në punë me motorin e tij në rrugën Strada dei Vivai, pranë Sant’Angelo di Piove.
Ai u përplas me një furgon të parkuar anash rrugës dhe nga përplasja trupi i tij fluturoi disa metra në pjesën tjetër të rrugës. Si pasojë e përplasjes përfundoi në korsinë e kundërt ku u përplas edhe nga një makinë tjetër që po vinte në drejtim të kundërt, që drejtohej nga një grua 49-vjeçare.
Pavarësisht ndihmës mjekësore, shqiptari nuk ia doli të mbijetonte e për rrjedhojë ndërroi jetë në spital, 3 ditë pas ngjarjes.
