Një 19-vjeçar nga fshati Kir në Shkodër është vënë në pranga nga Policia, pasi ishte shpallur në kërkim për posedim të paligjshëm të armëve të zjarrit. Ai dyshohet se më 30 maj 2025 kishte pasur në kontroll dy kallashnikovë, të zbuluar gjatë një kontrolli policor në një automjet në zonën ku banonte.
Arrestimi u bë si pjesë e kontrolleve të intensifikuara dhe mbi bazën e informacionit të marrë nga strukturat e inteligjencës policore. Armët janë sekuestruar si provë materiale.
Për të riun ishte lëshuar më herët një urdhër-arresti nga Gjykata e Posaçme kundër Korrupsionit dhe Krimit të Organizuar. Ndaj tij janë nisur procedurat për veprime të mëtejshme hetimore nga Prokuroria.
