Një operacion policor në Itali ka shkatërruar një organizatë kriminale shqiptare të dedikuar për trafikimin e kokainës, marijuanës dhe heroinës, me degë në Abruzzo, Lombardi dhe Shqipëri.
Gjatë operacionit u arrestuan 12 persona dhe u sekuestruan mbi 423 kilogramë narkotikë. Grupi vepronte kryesisht në Abruzzo, me seli në Montesilvano dhe Città Sant’Angelo , por kishte edhe degë në Lombardi, Milano, Brescia dhe Vareses, si dhe në Shqipëri.
Rrjeti kriminal ishte i përfshirë në të gjitha fazat e trafikimit nga blerja te prodhimi, deri te shpërndarja në tregun e paligjshëm.
Kokaina importohej nga Lombardia nëpërmjet furgonëve me qira, ndërsa marijuana kultivohej në një depo industriale në Piadena Drizzona (Cremona), e përdorur si serë për
kultivimin dhe përgatitjen e substancës.
Ndërkohë hetimet po vazhdojnë për të identifikuar çdo anëtar tjetër të organizatës dhe për të mbledhur prova të mëtejshme për të parandaluar aktivitetet e paligjshme.
