Irani ka lëshuar raketa balistike drejt Izraelit, ku rreth 40 persona u lënduan nga shpërthimi në Tel Aviv. 40 personat po trajtohen në spitalet izraelite pas sulmeve të fundit, ku dy prej tyre janë në gjendje kritike.
Spitali Ichilov në Tel Aviv po trajton 18 pacientë. Spitali Beilinson në Petah Tikva po trajton 7 persona, përfshirë një pacient në gjendje kritike.
Ndërsa spitali Sheba në Ramat Gan po trajton 15 pacientë, përfshirë pacientin tjetër në gjendje kritike. Lëndimet janë të ndryshme dhe përfshijnë dëmtime, thithje tymi dhe shok.
