Presidenti serb Aleksandar Vuçiç ka kritikuar vendimin e Federatës Serbe të Futbollit për zhvillimin e dy ndeshjeve kualifikuese, ndaj Anglisë dhe Shqipërisë, në Beograd dhe jo në Leskovac siç ishte planifikuar fillimisht.
Vuçiç u shpreh se federata nuk i rezistoi presionit të ambasadave të huaja, veçanërisht asaj britanike, duke u tërhequr nga vendimi për të luajtur në qytetin jugor.
“Njerëzit e Leskovacit nuk vlejnë më pak. Nuk kam ndërhyrë, por ishte vendim i gabuar,” tha presidenti, duke shtuar se përballja me Anglinë në Marakana mund të zhvillohet me interes të ulët nga publiku vendas.
Federata serbe vendosi gjithashtu që edhe sfida ndaj Shqipërisë, më 11 tetor, të luhet po në Beograd.
