Mesditën e sotme një aksident ajror ka ndodhur në zonën bregdetare të Vouliagmenit, afër Athinës. Një helikopter u rrëzua pranë marinës së qytetit dhe sipas të dhënave kishte bërë një ulje të planifikuar në helidromin e marinës dhe pak minuta më vonë nisi përpjekjen për t’u ngritur sërish.
Pasi u shkëput nga toka, helikopteri u përplas papritur në det dhe në të ndodheshin 5 persona. Sipas shërbimit grek të urgjencës, katër nga pesë personat janë lënduar lehtë, duke pësuar vetëm mavijosje dhe janë dërguar për kontroll mjekësor në spitali.
Ndërsa hetimet për shkaqet e aksidentit janë në vazhdim nga autoritetet greke të aviacionit.
