Pikat kryesore të ditës së 5-të që Lindja e Mesme është “në zjarr”;
- Ndërhyrja e Trump: ” E dimë se ku fshihet Khamenei, ai është një shënjestër e lehtë”, shkroi Presidenti i SHBA-së në një postim dhe i bëri thirrje “Udhëheqësit Suprem të dorëzohet pa kushte”
-
SHBA-të zhvendosën bombarduesit B-52 në bazën Diego Garcia në Oqeanin Indian – Një takim urgjent i Trump me ekipin e sigurisë kombëtare u mbajt gjithashtu në Shtëpinë e Bardhë.
-
Ne do të luftojmë kundër Izraelit, jemi në koordinim me Teheranin, thonë Huthët.
- Valë e re sulmesh me raketa nga Irani dhe përgjigje e menjëhershme nga Izraeli. 60 luftëtarë godasin zemrën e vendit raportuan forcat e armatosura izraelite.
Sipas mediave iraniane “Sonte do të ndodhë një surprizë e madhe, një surprizë që bota do ta kujtojë për shekuj me radhë”.
Takimi i Shtëpisë së Bardhë, i kryesuar nga Donald Trump mbi luftën Izrael-Iran, përfundoi pas një ore e 20 minutash, u tha gazetarëve një zyrtar amerikan.
Zyrtarët amerikanë i thanë gazetës Times of Israel se Trump po i mban të gjitha opsionet në tryezë ndërsa këmbëngulin se SHBA-të nuk kanë ndërhyrë deri më tani.
Opsioni më i mundshëm që Trump po shqyrton do të ishte përdorimi i bombave amerikane kundër objekteve bërthamore nëntokësore të Iranit në Fordow.
Bombat depërtuese të armaturës në arsenalin e Izraelit nuk mund të arrijnë thellësinë ku besohet se ndodhen objektet, 90 metra nën sipërfaqen e tokës.
