Presidenti serb, Aleksandër Vuçiç në një intervistë për televizionin shtetëror serb tha se Beogradi do të fitojë ndaj Kosovës. Vuçiç tha se gjërat do të ndryshojnë ngadalë në botë dhe në fund Serbia do të fitojë.
“Do të fitojmë edhe në çështjen e Kosovës. Gjërat po ndryshojnë ngadalë në botë. Dhe nuk do t’ju them se çfarë do të thotë kjo, por në fund Serbia do të fitojë. Dhe jam absolutisht i sigurt për këtë. Ndërsa gjërat po ndryshojnë ngadalë por me siguri në botë, jam i bindur se Serbia do të fitojë”, tha presidenti Vuçiç.
Ai tha edhe se nuk duhet shumë kohë që uji të rrjedhë poshtë Savës dhe Danubit.
Ndërkohë Serbia ende vijon që të mos njohë pavarësinë e Kosovës.
