Katër gra me kombësi kineze janë arrestuar në Durrës, pasi u kapën në një vilë të përshtatur për ushtrim prostitucioni. Njëra prej tyre dyshohet si organizatorja e aktivitetit të paligjshëm.
Në kërkim është një grua britanike, e cila dyshohet se kishte marrë vilën me qira dhe e kishte përshtatur për këtë qëllim.
Gjithashtu, u proceduan penalisht edhe dhjetë persona të tjerë, mes tyre gra kineze dhe burra shqiptarë. Policia sekuestroi pasaporta, para, karta bankare dhe telefona.
Hetimet vijojnë, pasi dyshohet se rrjeti drejtohej nga jashtë Shqipërisë.
