Një 39-vjeçar është arrestuar nga policia në zonën e Astirit, pasi akuzohet se ka dhunuar ish-bashkëshorten dhe është përfshirë në një konflikt me bashkëjetuesin e saj dhe vëllain e këtij të fundit.
Ngjarja është denoncuar nga ish-bashkëshortja, e cila ka treguar se është goditur nga ish-burri i saj, në bashkëpunim me kushëririn, 30 vjeç. Të dy kanë sulmuar edhe partnerin e saj dhe vëllain e tij.
Policia ka arrestuar 39-vjeçarin, ndërsa kushëriri është shpallur në kërkim. Ndërkohë, janë proceduar në gjendje të lirë edhe dy personat e përfshirë në përleshje me 39-vjeçarin.
