Presidenti i SHBA-ve, Donald Trump, ka publikuar në platformën e tij “Truth Social” një screenshot të një mesazhi nga Sekretari i Përgjithshëm i NATO-s, Mark Rutte, ku ky i fundit e përgëzon për veprimet ndaj Iranit dhe për rolin e tij në rritjen e angazhimit financiar të vendeve anëtare të NATO-s.
“Urime dhe faleminderit për veprimin tuaj vendimtar ndaj Iranit… ishte me të vërtetë e jashtëzakonshme dhe diçka që askush tjetër nuk u guxoi ta bënte,” shkruan Rutte në mesazh.
Ai falënderon Trumpin gjithashtu për ndikimin e tij në bindjen e aleatëve për të rritur shpenzimet për mbrojtjen në 5% të PBB-së deri në vitin 2035, duke e cilësuar këtë si “një moment të rëndësishëm për Amerikën, Evropën dhe botën.”
“Europa do të paguajë siç duhet, dhe kjo do të jetë fitorja juaj,” përmbyll Rutte.
