Ligjvënësit e Bashkimit Evropian miratuan një propozim që ndalon linjat ajrore t’u ngarkojnë tarifa shtesë për bagazhet e dorës në bord. Pasagjerët do të kenë të drejtë të sjellin falas një send personal (p.sh. çantë dore) dhe një bagazh dore deri në 7 kilogramë.
Matteo Ricci, nënkryetar i Komitetit të BE për Transportin, e përshkroi vendimin si një hap drejt udhëtimeve më të drejta dhe transparente, duke shmangur koston e panevojshme për pasagjerët.
Rregullat do të kërkojnë që bagazhet të jenë brenda përmasave të caktuara, dhe linjat nuk do të lejohen të vendosin tarifa shtesë për këto bagazhe.
Megjithatë, shoqata e linjave ajrore paralajmëroi se kjo mund të ndikojë në rritjen e çmimeve të biletave, sidomos për ata që udhëtojnë me pak bagazhe.
