Në kuadër të operacionit policor “Koordinata”, në qarkun Shkodër janë zbuluar dhe asgjësuar 2936 bimë të dyshuara narkotike Cannabis Sativa. Kontrollimet u zhvilluan në zonat Shalë, Shosh, Shkrel, Kastrat dhe Qafë Mal.
Policia arrestoi dhe po heton disa persona, përfshirë edhe një inxhinier pyjesh dhe kryeplakë fshatrash, për shpërdorim detyre dhe moskallëzim krimi.
Operacioni vijon për të kapur të gjithë ata që janë përgjegjës për kultivimin e bimëve narkotike në zonë.
