Një 19-vjeçar është arrestuar në Shkodër, pasi u kap i armatosur pas mesnate në lagjen “Guerile”.
Gjatë kontrollit të ushtruar nga Policia, atij iu gjetën një armë zjarri pistoletë, municion luftarak dhe një thikë.
Shërbimet e Policisë, të cilat ishin duke patrulluar në zonë, u vunë në ndjekje të dy të rinjve që u panë duke ikur sapo panë efektivët, dhe arrestuan B. H., banues në Shkodër.
Përveç tij, një tjetër person, E. Ç., 29 vjeç, u procedua në gjendje të lirë për moskallëzim krimi, pasi nuk raportoi ngjarjen.
Materialet u kaluan për hetime të mëtejshme në Prokurorinë e Shkodrës.
