Policia greke ka goditur një organizatë kriminale që trafikonte ilegalisht municione nga Shqipëria në Kretë, duke arrestuar pesë persona, përfshirë një shtetas shqiptar.
Në krye të grupit ishte M.J. (65 vjeç), i cili merrej me marrjen e porosive dhe shpërndarjen e municioneve, ndërsa N.L. (72 vjeç) kishte krijuar një vend të fshehtë në kamion për të transportuar fishekët. J.K. (73 vjeç) ishte shoferi që udhëtonte deri në kufi, ndërsa M.P. dhe shqiptari K.B. (41 vjeç) kujdeseshin për sigurimin e municioneve nga furnizuesi në Shqipëri.
Gjatë operacionit u sekuestruan mbi 24,000 fishekë, një pushkë luftarake, automjete dhe para, ndërsa hetimet vazhdojnë për zbulimin e rrjetit të plotë kriminal.
