Një operacion i përbashkët i Sektorit për Hetimin e Krimeve të Rënda dhe Seksionit Operacional në Vlorë solli arrestimin e një personi të kërkuar ndërkombëtarisht. Falë bashkëpunimit me Interpolin dhe autoritetet italiane, ai u gjet dhe u ndalua në lagjen “Rilindja” të Vlorës.
Dje, në këtë lagje u arrestua provizorisht Renald Gjini, 45 vjeç, i cili pritet të ekstradohet në Itali.
Ai ishte në kërkim nga autoritetet italiane, pasi Gjykata e Apelit në Bolonja e ka dënuar me 12 vjet e 10 muaj burg për veprat penale të “Vrasjes” dhe “Mbajtjes pa leje të armëve”.
