Në një fjalë në Kuvend, deputeti i PD, Dashnor Sula, kërkoi përgjegjësi nga institucionet dhe kryetarët e komisioneve parlamentare për mosrespektimin e detyrimit ligjor për raportim.
Sula deklaroi se raportimet e institucioneve në parlament duhej të ishin kryer deri në qershor, por kjo nuk ka ndodhur ende. Ai akuzoi kryetarët e komisioneve për shkelje ligjore dhe shpërdorim detyre, duke bërë thirrje që opozita të ndërmarrë kallëzim penal ndaj tyre.
“Institucionet duhej të raportonin në kohë, tani është korrik dhe ende nuk ka asgjë. Opozita duhet të reagojë seriozisht dhe të kërkojë përgjegjësi ligjore,” tha Sula.
