Kryeministri Edi Rama mori pjesë sot në sesionin e hapjes së Kongresit Botëror të Ligjit në Tiranë. Ai u shpreh se Partia Socialiste bëri Reformën në Drejtësi. Më tej theksoi se nëse nuk do të ishte BE-ja, Shqipëria do të ishte si Afganistani.
“Duhet të garantohet që procesi të mbështetet me cdo kusht përballë pushtetit politik. Ne i kemi dhënë shpatën në dorë ‘Zonjës së Drejtësisë’. Jemi të vendosur që të mos ketë kthim mbrapa që ta bëjmë të pakthyeshëm këtë proces dhe në këtë pikë ka diçka që është garanci shumë e madhe për Shqipërinë.
Dy fjalë. Bashkimi Europian. Nëse BE nuk do të ishte aty dhe nëse shqiptarët nuk do ta dëshironin aq shumë ne nuk do të arrinim kurrë të ndërtonim një sistem të pavarur drejtësie ose do të arrinim aq sa afganët apo iranekët pas bombave apo përpjekjeve utopike të perëndimit dhe NATO-s për të çuar demokracinë në ato vende. Dhe ndryshimi mes nesh dhe atyre, është se ne kemi BE-në, ata nuk e kanë” tha ai.
